Þeir vilja banna hundahald á Akranesi! (??)

Þar var samþykkt tillaga meirihluta bæjarstjórnar á Akranensi um að samhliða bæjarstjórnarkosningunum í vor verði kosið um hvort leyfa eigi hundahald á Akranesi. Sjá grein hér

Þetta er bara sorlegt. Það er eins og við séum að fara tilbaka fjölda margra ára.

Eins og fram kemur í greininni er eitthver X hópur hundaeiganda sem er ekki að taka tillit til annara íbúa.  Þetta eru menn orðnir leiðir á og telja þá auðveldast sé bara að banna hunda. 

Ég vet nú ekki hvernig á að útskýra hversu fáranleg hugmynd þetta er hjá bæjarstjórnini. Helst langar mig bara að taka sítrónu safan og sprauta á þá og segja hart NEI!   

En eins og við viljum vinna, með því að verðlauna góða hegðun og hunsa slæma, er frekar betri hugmynd að vinna saman að því að gera góðverk í stað þess að straffa og öskra á þá tilbaka að helst væri betra að banna ketti (eða annað sem fólk fílar ekki) sem er heldur ekki góð hugmynd.  

 þegar ég var með hundanámskeið á Akranesi í vor voru um 30 hundaeigendur með á því. Þetta var allt fólk sem tekur ábyrgð á sínum hundum og já, tekur upp eftir sig.

Það sem ég lærði þá var að Akranes veitir Ekki afslátt af hundagjöldum gegn því að fara á námskeið.  Þá spyr maður sig, er það leiðinn til að hvetja hundaeigendur til sjá betur um hundana og halda þeim í taum og hreinsa upp eftir þá?

Svo með þessu vil ég frekar hvetja bæjarstjórnina að leyfa undanþágu hundahalds gegn hundagjaldi en jafnframt veita afslátt af hundagjöldum þegar hundaeigandi hefur sótt námskeið. 

Eitt námskeið gerir ofsalega mikið fyrir hundaeigendur. Þeir læra að umgangast aðra hunda. Hundaeigendur læra hvernig hundar tjá sig við hvort annað. Td hvernig við sjáum hvenær við meigum eiga von á slagsmálum og hvenær það er ekki sjens á að þeir fari að slásst.
 Hundaeigendur læra að takast á við gelt og hundarnir mínka það eftir svona námskeið.
Hundaeigendur læra hvernig á að æfa hundinn svo hann verður sáttur við lífið og tilveruna. Hundarnir verða rólegir og hafa meira jafnvægi ef hundaeigendur æfa þá og kunna að "tala við þá svo þeir skilja".
Námskeið gerir betri hund sem er mjög mikið minni til vandræða en hundur sem hefur aldrei farið á námskeið, eða þar að segja hundaeigandi sem hefur aldrei farið á námskeið.

 

Hér í Reykjavík kostar 15400kr fyrsta árið á hundagjöldum. Annað árið kostar 7700kr ef maður er búin að fara á námskeið.
Hundanámskeið kostar 26000kr. Stéttafélöginn, meta þetta sem tómstundastyrk og td Efling greiðir  18000kr á ári fyrir tómstundarnámskeið. En greiðir aldrei meir en 50% af hverju námskeiði. sem þýðir að þeir greiða niður 13000kr af námskeiðinu.  Eftir er einungis 14000kr sem námskeiðið í raun kostar. 

Afhverju býður ekki Akranes uppá þetta?

Frekar en að vera að banna hluti! 

Annað sem má hafa í huga eru ruslaföturnar. Mér skilst að þær séu alt of fáar. En það er samt ekki afsökun að taka ekki upp skítin. En það er hægt að sýna bæjarstjórninni góðvilja. Taka sig saman og safna pening eða með dugnaði setja saman fleiri ruslafötur. 

Ég man eftir því hversu mikið hundaeigendurnir á námskeiðinu hjá mér voru að monta sig yfir að búa á Akranesi, hvað þau voru að segja að væri æðilsegt að búa þarna.

Skulum nú hafa það áfram

 

Það er facebook grúppa sem fólkið er að safna sig saman til að mótmæla og getið þið fundið hana hér:

Hundar á Akranesi

 

Kveðja Heiðrún & Luna.

 

 

Athugasemdir

[Axel Jóhann Axelsson, 28.1.2010 kl. 22:26]

Þetta er nánast ótrúlegt, að láta sér detta í hug að vilja banna hundahald.  Í kosningu er mjög líklegt að hundahald verði bannað, þar sem hundaeigendur eru í miklum minnihluta.  Þeir, sem ekki eru vanir að umgangast hunda, gera sér enga grein fyrir því, hvers konar gleði og ánægju þeir veita, enda afburðaskynsöm dýr og skemmtileg.

Hundar eru ekkert vandamál, eingöngu kærulausir og trassasamir hundaeigendur.  Fólk sem ekki nennir að hugsa almennilega um hundana sína, er ekki raunverulegir hundavinir og gera ekkert annað en eyðileggja fyrir hinum.

Auðvitað ættu Akurnesingar að taka upp kerfið, sem er við lýði í Reykjavík, en þar skrifa hundaeigendur undir þær kvaðir, að ef kvartað er yfir hundi, þá er heimilt að afturkalla hundaleyfið og alvöru hundavinir taka ekki þá áhættu.

Vonandi sjá Skagamenn að sér í þessu efni.

[Ásta (IP-tala skráð) 28.1.2010 kl. 22:32]

Ótrúlegt.... þvílík olbogabörn sem við hundaeigendur erum :(