Að velja hund

Ok, þið ætlið að fá ykkur hund.. og til hamingju með það.

Fyrst vil ég fara í gegnum hvernig best er að velja hundategund.

1. Kíkið á netið. Finnið hundategund sem þið getið hugsað ykkur að eiga og lesið allt um þessa tegund. Finnið út kosti og galla og metið hvort þetta henti ykkur.
2. Hvað viljið þið gera með hundinum? Ákveðið það og veljið hundategund út frá því. Reynið að forðast að velja t.d. "veiðihund" ef þið viljið ekki æfa veiði eða annað slíkt. Hundategundirnar eru með sitt eðli og það er ástæða fyrir að þeir heita t.d. veiðihundar eða smalahundar. Þeir þurfa að fá að æfa sig á sínu sviði.
3. Hversu mikla hreyfingu eruð þið tilbúin að gefa hundinum daglega? Sumar tegundir krefjast mun meiri hreyfingu og leiks en aðrar.
4. Hárlos. Hársnyrting. Viljið þið dúlla með hundinum, greiða og kemba eða viljið þið ekkert þurfa að sjá um feldinn? Mikilvægt að vita að t.d. puddel þarf að þvo og greiða og blása oft á viku meðan hjá t.d. Border Collie þarf ekkert að sjá um feldinn, bara baða svona annað slagið þegar komin er vond lykt.

Núna eruð þið kannski komin með drauma hundategundina og viljið fara að leita að hvolpi.
Því miður er ennþá mikið um það hér á landi að hundar séu gefins. Gott fyrir okkur sem viljum hvolpa en slæmt fyrir hvolpinn því það gerir að verkum að fleiri fá sér hunda án þess að hugsa sig tvisvar um. En þetta er að koma hér á landi og hreinræktaðir hundar eru orðnir dýrir sem er mjög gott því þá er fólki meira alvara  með að fá sér hund.
Ég ráðlegg öllum sem eiga tík sem er með hvolpa að gefa ekki hvolpana. Ef þú vilt að hvolparnir fái gott heimili settu þá eitthvað verð á hvern hvolp þótt það sé lítið. Það hræðir strax burtu marga sem eiga ekki að fá sér hund.

Að velja hvolp úr flokknum
Þegar þið farið að skoða hvolpana og "velja einn" úr hópnum þá er margt sem þið verðið að hafa í huga.

Hver hundur hefur persónuleika. Það er hægt að skipta þeim í flokka; sterka, miðlungs og veika persónuleika.
Hafið þið einhverntíma heyrt um eða jafnvel gert það sjálf að taka hvolpinn sem kom hlaupandi að ykkur og hugsað að hundurinn valdi ykkur?

Þetta er það versta sem þið gerið.

Því það er svo að sá hvolpur sem "þorir" að koma fyrstur til ókunnugs fólks er sá sem er með sterkasta persónuleikann. Hann er mest dominant af þeim og þorir mest af þeim.
Þessi týpa mun verða erfiðust að ala upp. Týpan mun verða mjög sjálfstæð. Og bara þeir sem vita alveg út í hvað þeir eru að fara geta höndlað þessa týpu þegar hún verður fullorðin.
Ef þið eruð alveg græn í hundum skuluð þið ekki velja fyrsta hvolpinn eða hvolpinn sem virðist mest áberandi og dominant.
Það fer eftir því hvað hvolparnir eru margir en takið eftir röðinni sem þeir koma til ykkar. Ef við segjum að hvolparnir eru 7 alls þá skaltu forðast nr 1 og 2.  nr 3,4,5 eru mest "safe" að velja því þeir eru miðlungs í persónuleika. Sá sem kemur ekki eða síðastur er mest hræddur af þeim og getur orðið alger gunga og skíthræddur við allt og alla.

En auðvitað er þetta engin pottþétt regla sem á við allt og alla. En gott að hafa þetta bak við eyrað svo þið vitið svona nokkurn veginn hvernig hund þið eruð að fá.

Eitt einn sem hægt að hugsa um er þegar þið sitjið þarna og eruð að leika við hvolpana, takið þá upp og takið eftir hvað þeir gera. Ef þeir bíta eða urra þegar þeir eru teknir upp getur það verið vísbending um persónuleika sem getur verið erfiður í framtíðinni. Ef hann fer alveg í klessu þegar fólk nálgast hann er það líka vísbending  um famtíðina.
Takið hvolpinn sem er smá hræddur í byrjun en samt voða forvitinn á ykkur og langar að koma og þefa.

Horfið líka á mömmuna, og fáið að sjá hana og klappa henni. Hún er að ala ykkar hvolp upp og er mikilvægt að hún sé heil í hausnum. Ef pabbinn er ekki á svæðinu spyrjið um hann, um hans geðheilsu.

Svo er líka mikilvægt að sjá  umhverfið sem hvolpurinn er í fyrstu 2 mánuðina hans. Er hann í heimahúsi eða eru þeir innilokaðir í gömlu fjósi? Það sem hann upplifir fyrstu mánuðina er mikilvægt fyrir framtíðina. Ef hann sér engan og ekkert þá eru miklar líkur á að hann verði taugaveiklaður þegar hann er orðinn stór.
En ef hann fær að fara út og upplifa mikið bæði inni og úti og hittir fólk reglulega eru góðar líkur á að hundurinn verður tryggur fjölskylduhundur.

Gangi ykkur vel.

 

 

Athugasemdir

[Auður (IP-tala skráð) 17.4.2007 kl. 21:47]

Mjög fott síða hjá þér og góðar ráðleggingar. Erum að velta því fyrir okkur að fá okkur hund á næsta ári en erum alveg græn! Einmitt svona ráðleggingar sem okkur vantar :)

[Heiðrún Klara Johansen, 17.4.2007 kl. 21:51]

Sæl Auður.

Gaman að vita að þér fannst þetta góðar ráðleggingar. Endilega fylgstu með því sem kemur næstu daga mánuði. Ég mun reyna að pósta oft. eða þegar ég hef tima.

Og fint að þið planið vel það að fá hund. Á næsta ári er ég viss um að þið eru verðið orðnir hundasérfræðingar. Bara lesa alt sem þið komist yfir. Gangi ykkur vel.:)

[Tinna (IP-tala skráð) 18.4.2007 kl. 19:45]

Sael :)

 Gaman ad sja hvad tu ert ad skrifa, mjog snidug sida hja ter.

Eg er sjalf laerd hlidnitjalfari og vildi bara segja gangi ter vel med siduna :)

[Heiðrún Klara Johansen, 18.4.2007 kl. 20:16]

hæ Tinna.

Já gaman að heyra. Og síðan þú ert hundaþjálfari sjálf er athyglisvert að sjá hvort þú hefur svo etthvað að leggja til eða kommenta um það sem ég mun skrifa hérna.
Endilega láttu heyra í þér aftur svo:)

[Ester Júlía, 18.4.2007 kl. 21:42]

Gaman að lesa.  Frábært. Það er svo sniðugt að  margt af þessu er svo líkt með kettlingum.  Sá sem er frakkastur er oftast frekastur , köttur sem vill vera mikið úti á fleygiferð og stingur oft af .  Sá sem er rólegastur og hægastur er oftast besti heimiliskötturinn.  Ég þekki nefnilega kettlinga og kisur mjög vel.   Núna er ég búin að fá mér hvolp, fæ hann til mín eftir ck. fimm vikur.  Papillon úr öruggri ræktun.  Valdi rólegasta hvolpinn . Og svo er bara að sjá hvernig hann verður þegar hann eldist.  Góð grein hjá þér .